Една жена што сака премногу и свет што заборавил да сака. Во „Љубовта на Федра“ на Сара Кејн, во режија на Дино Мустафиќ, античкиот мит влегува во сурова современост во која желбата прераснува во опсесија, блискоста станува речиси невозможна, а љубовта се судира со рамнодушноста, насилството и црниот хумор. Наспроти Федра, која чувствува до точка на самоуништување, стои Хиполит, принц кој речиси ништо не чувствува, во свет на отуѓеност, семејно распаѓање и морална празнина. Со Јелена Жугиќ како Федра, Лазар Христов како Хиполит и моќен актерски ансамбл, претставата на Мустафиќ ја носи Кејн без заштитна дистанца, како жесток и возбудлив театарски судир со прашањето што останува од љубовта кога сите нејзини утешни форми ќе исчезнат.
Скрол: север/југ · Shift: запад/исток · Ctrl/⌘: зум